“Mirzo Ulug‘bek vorislari” ko'rik-tanlovining Termiz shahar bosqichi g‘oliblari aniqlandi

Bugun, 17-mart kuni Surxondaryo viloyati Oliy ta’lim, fan va innovatsiyalar boshqarmasi hamda Termiz shahar hokimligi hamkorligida "Mirzo Ulug'bek vorislari" respublika ko'rik-tanlovining Termiz shahar bosqichi o‘tkazildi.

Mazkur tanlovda 16-25 yoshgacha boʼlgan 24 nafar oʼquvchi va talaba-yoshlar oʼz ixtirolari, gʼoya va ishlanmalari bilan ishtirok etdi. Eng yaxshi loyihalar taqdimotini oʼtkazgan 5 nafar isteʼdodli yigit-qiz viloyat bosqichiga yoʼllanmani qoʼlga kiritib, sertifikat hamda BHMning 5 barobari miqdoridagi pul mukofoti bilan taqdirlandi.