Аyollar daftari boʼyicha bajarilayotgan ishlar tahlili yuzasidan yigʼilish oʼtkazildi

Bugun, 14 iyun kuni “Guliston” mahallasida Termiz shahar hokimi Isroil Xudoyberdiev rahbarligida “Аyollar daftari”da roʼyxatda turuvchi xotin-qizlarning bandligini taʼminlash, ularni ishga joylashtirish va tadbirkorligini yoʼlga qoʼyishlari uchun maqsadli kreditlar ajratilishi yuzasidan yigʼilish oʼtkazdi. Unda hokim oʼrinbosarlari, mutasaddi tashkilotlar rahbarlari hamda 1-sektor hududidagi mahalla raislari, hokim yordamchilari va xotin-qizlar faollari ishtirok etishdi.

Yigʼilishda yuqoridagi masalalar har bir mahalla kesimida chuqur tanqidiy-tahlil qilindi. Yakunda shahar hokimi tomonidan ishsiz xotin-qizlarni ishga joylashtirish va tadbirkorlik qilish istagida boʼlgan ehtiyojmand xotin-qizlarga maqsadli kredit ajratilishi boʼyicha masʼullarga aniq koʼrsatma va topshiriqlar berilib, ijrosi nazoratga olindi.