Surxondaryoda izlanuvchan talabalar uchun hokim stipendiyasi taʼsis etiladigan boʼldi

Surxondaryo viloyati hokimi Toʼra Bobolovning yoshlar bilan qiziqarli savollar va samimiy javoblarga boy boʼlgan ochiq muloqoti chogʼida yigit-qizlar ilm-fan, sanʼat va adabiyot kabi sohalarda erishayotgan yutuqlari haqida hamgapirib berishdi. Ijodkor yoshlar viloyat rahbariga chop etilgan ilk kitoblarini tuhfa qildi. Kuy-qoʼshiqlar ijro etdi.

Uchrashuvda eng bilimli, izlanuvchan talabalar uchun 1 milliard soʼm mablagʼ ajratilib, hokim stipendiyasi taʼsis etiladigan boʼldi. Muloqot yakunida bir guruh eng faol yoshlarga viloyat hokimining pul mukofotlari va qimmatbaho esdalik sovgʼalari topshirildi.