300 nafardan ortiq talaba ishga joylashish uchun yoʻllanmaga ega boʻldi

300 nafardan ortiq talaba ishga joylashish uchun yoʻllanmaga ega boʻldi

Talabalarni bandligini taʼminlash, ularni boʻsh ish oʻrinlariga joylashtirish borasidagi amaliy ishlar respublikadagi barcha oliy taʼlim muassasalari qatorida Termiz davlat universitetida ham davom etmoqda.

TerDUda Oʻzbekiston Respublikasi Prezidentining 2022-yil 4-martda oʻtkazilgan “Oliy taʼlim muassasalari talabalari bandligini taʼminlash orqali ularning turmush darajasini yaxshilash chora-tadbirlari toʻgʻrisida”gi videoselektor yigʻilishida belgilab berilgan vazifalarning ijrosini taʼminlash hamda universitet talabalariga darsdan boʻsh vaqtlarida ish bilan bandligini taʼminlashga koʻmaklashish maqsadida “Karyera kuni” mehnat yarmarkasi boʻlib oʻtdi.

Surxondaryo viloyat hokimligi, Termiz davlat universiteti hamda viloyat Bandlik bosh boshqarmasi hamkorligida oʻtkazilgan boʻsh ish oʻrinlari yarmarkasida viloyatning shahar va tumanlar darajasidagi tashkilot, muassasa, korxonalar va yirik tadbirkorlik subyektlari vakillari boʻsh ish oʻrinlari bilan qatnashdilar.
Yarmarkada qatnashgan barcha talaba-yoshlar uchun 160 dan ortiq tashkilotlarda mavjud 2512 mingga yaqin vakant ish oʻrni taklif etildi.
Mazkur yarmarkada Termiz davlat universitetining 3 ming nafardan ortiq talabasi ishtirok etib, shu yerning oʻzida 300 nafardan ortiq talabalarga ishga joylashish boʻyicha yoʻllanmalar berildi.