Uch avlod uchrashuvi

Uch avlod uchrashuvi

Termiz shahar 5-sonli umumiy o‘rta taʼlim maktabida navbatdagi “Uch avlod uchrashuvi” bo‘lib o‘tdi. Tadbirda shahar Nuroniylar jamg‘armasi Termiz shahar bo‘limi raisi T.Berdiyev, mahalladagi faol nuroniylar, shahar Maʼnaviyat va maʼrifat bo‘linmasi, jamoatchilik kengashi va “Keksalar maslahati” guruhi aʼzolari, hamda o‘quvchi yoshlar qatnashdi.

El-yurt ravnaqi yo‘lida kamarbasta bo‘lish lozimligi uch avlodga mansub yurtdoshlarimiz o‘rtasida kechgan samimiy suhbatlar bosh mavzusiga aylandi. Yoshi ulug‘ otaxon va onaxonlarimiz hayoti va mehnat faoliyati davomida to‘plagan boy tajribasi, yoshlik davridagi o‘ziga xos qiyinchiliklar, mehnat pallasidagi mashaqqatlar, Vatanparvarlik ruhida tarbiyalanishiga qaratilgan qimmatli maslahat va tavsiyalarini berishdi.

Shuningdek, maktabning yosh ijodkorlari tomonidan tayyorlangan badiiy chiqishlar barchaga ko‘tarinki kayfiyat ulashdi.