SHАXSIY SАYYOR QАBUL OʼTKАZILDI

SHАXSIY SАYYOR QАBUL OʼTKАZILDI
Kecha, 30 iyul kuni “Nurli kelajak” mahallasidagi 29-maktabgacha taʼlim muassasasi hovlisida Termiz shahar hokimi Isroil Xudoyberdiev rahbarligida, shahar IIOFMB boshligʼi bilan birgalikda fuqarolar uchun navbatdagi shaxsiy qabuli oʼtkazildi. Unda shahardagi barcha mutasaddi korxona va tashkilot rahbarlari ishtirok etdi.
Oʼtkazilgan qabulda 46 nafar fuqarolar tomonidan 60 ga yaqin murojaatlar kelib tushgan boʼlib, shundan subsidiya tartibida uy-joy olish masalasida 8 nafar hamda imtiyozli kredit olish boʼyicha 6 nafar fuqaro murojaatiga oʼz oʼrnida huquqiy tushuntirishlar berildi.
Fuqarolar tomonidan qilingan murojaatlarning ayrimlari joyida ijobiy yechimini topdi. Jumladan, “Maʼrifat” MFYdan “Аyollar daftari”da turuvchi R.Mamatqulovaga moddiy yordam va 1-nafar fuqaroga homiylik asosida pasport olish uchun yordam berildi. Shuningdek,“ Nurli kelajak ” MFYda yashovchi 4 nafar fuqarolarga sogligʼini tiklashi uchun amaliy yordam koʼrsatiladigan boʼldi.