Termiz shahrida xotin-qizlar o‘rtasida sport musobaqalari o‘tkazildi

Termiz shahrida xotin-qizlar o‘rtasida sport musobaqalari o‘tkazildi

Bugun 26-sonli maktabda shahrimizdagi mahallalarda istiqomat qilayotgan xotin-qizlar o‘rtasida sog‘lom turmush tarzini targ‘ib etish, salomatligini mustahkamlash maqsadida ular o‘rtasida "Shahar hokimi sovrini uchun" sport musobaqalari o‘tkazildi.
Musobaqaning ochilish marosimida Oila va xotin-qizlar davlat qo‘mitasi bosh mutaxassisi B.Saidqosimov, viloyat hokimi o‘rinbosari, Oila va xotin-qizlar boshqarmasi boshlig‘i Z.Xidirova, shahar hokimi o‘rinbosari M.Tagayeva, hamkor tashkilotlar, sport bo‘limi mas’ullari, xotin-qizlar faollari hamda 300 nafar xotin-qizlar ishtirok etdi.
Sportning stol tennisi, shaxmat, shashka, engil atletika, arqon tortish hamda armrestling (qo‘lda kuch sinash) turlari bo‘yicha o‘tkazilgan musobaqalar qizg‘in bellashuvlarga boy bo‘ldi.
Musobaqalar yakunida g‘olib xotin-qizlar Termiz shahar hokimining esdalik sovg‘alari bilan taqdirlandilar.