Surxondaryolik pillakorlar ham zafar quchdi

Surxondaryolik pillakorlar ham zafar quchdi
Surxondaryo viloyati pillakorlari 1 ming 715 tonnadan ortiq “kumush tola” tayyorlab, shartnoma majburiyatini bajardi. Pillakorlar mahalliy iqlimga mos, serhosil, kasalliklarga chidamli 30 ming 572 quti ipak qurti urugʼini parvarishlab, oʼrtacha hosildorlikni 56,1 kilogrammga yetkazdi. Yetishtirilgan hosilning asosiy qismi yuqori navlarga qabul qilindi. Erishilgan bu muvaffaqiyatga viloyatning, ayniqsa, Shoʼrchi, Bandixon, Denov tumanlari pillakorlari munosib ulush qoʼshdi. Shoʼrchi tumanidan “Qarshiev Ilyos”, “Turdimurod”, “Roʼzi Mamaraimov”, Bandixon tumanidan “Sodiqbobo”, “Koʼksoy obod”, “Baraka yorliq”, Denov tumanidan “Аbdulxoshim Laziz”, “Mamatmoʼmin Choriyor”, “Isomiddin Shahobiddin” kabi koʼplab fermer xoʼjaliklari pilla yetishtirish boʼyicha shartnomaviy rejalarini 110 foizga oshirib bajardi.
Viloyatda qabul punktlariga pilla hosilini topshirish davom etmoqda.