Respublika ishchi guruhi ommaviy sayyor qabulining toʼrtinchi kuni Jarqoʼrgʼon tumanida boʼlib oʼtmoqda

Respublika ishchi guruhi ommaviy sayyor qabulining toʼrtinchi kuni Jarqoʼrgʼon tumanida boʼlib oʼtmoqda

Davlatimiz rahbarining topshirigʼiga binoan tuzilgan Respublika ishchi guruhining Surxondaryo viloyatida boʼlib oʼtayotgan ommaviy qabulining navbatdagisi Jarqoʼrgʼon tumani “Surxon sohili” mahallasida joylashgan Madaniyat uyi binosida Termiz, Jarqoʼrgʼon tumanlari hamda Termiz shahri fuqarolari uchun boʼlib oʼtmoqda.

Fuqarolar oʼzlarining muammolari yuzasidan Respublika ishchi guruhi tarkibidan oʼrin olgan Xalq qabulxonalari, Vazirlar Mahkamasi, Oliy sud, Sudьyalar oliy kengashi, Bosh prokuratura, oʼttizga yaqin vazirlik, qoʼmita va tashkilotlar rahbarlariga toʼgʼridan-toʼgʼri murojaat qilishmoqda.

Ommaviy qabulda Surxondaryo viloyati hokimi Toʼra Bobolov va sektorlar rahbarlari ham ishtirok etmoqda va aholi murojaatlarini masʼullar ishtirokida tinglab, koʼtarilgan masalalarni hal etish choralari koʼrilmoqda.