Surxondaryoda barcha qulayliklarga ega boʼlgan zamonaviy jarrohlik markazi quriladi

Surxondaryoda barcha qulayliklarga ega boʼlgan zamonaviy jarrohlik markazi quriladi
Bugun, 19 yanvarь kuni Termiz shahridagi "Imom Аt-Termiziy" ilmiy tadqiqot markazining majlislar zalida viloyat hokimi Toʼra Bobolovning tibbiyot xodimlari bilan ochiq muloqoti boʼlib oʼtdi.
Muloqot davomida viloyat hokimi joriy yilning investitsiya dasturi doirasida Termiz shahrida barcha qulayliklarga ega boʼlgan zamonaviy jarrohlik markazini qurish ishlari boshlanishi toʼgʼrisida maʼlum qildi.
200 nafardan ortiq tibbiyot xodimlari ishtirok etgan uchrashuvda viloyat rahbariga sohadagi mavjud muammolar bayon qilindi. Shuningdek, mutaxassislar tomonidan viloyatda sogʼliqni saqlash sohasini rivojlantirish boʼyicha takliflar berildi.
Ochiq muloqotda koʼtarilgan masalalarni hal etish yuzasidan vakolatli davlat idoralariga muddat belgilanib, nazoratga olingan holda topshiriqlar berildi.