Bugun Termiz shahar hokimligida "Inson aʼzolari va to‘qimalarining transplantatsiyasi to‘g‘risida "gi qonun loyihasi muhokama qilindi

Bugun Termiz shahar hokimligida "Inson aʼzolari va to‘qimalarining transplantatsiyasi to‘g‘risida "gi qonun loyihasi muhokama qilindi
Ushbu Qonunning maqsadi inson aʼzolari va to‘qimalarining transplantatsiyasi sohasidagi munosabatlarni tartibga solishdan iborat.
Ushbu Qonunning amal qilishi:
insonning ko‘payish jarayoniga taalluqli bo‘lgan aʼzolar va to‘qimalarning (tuxum hujayrasi, sperma, tuxumdonlar, moyaklar yoki embrionlar) transplantatsiyasiga;
aʼzolar va to‘qimalarning autogen (bir shaxsning o‘zi tirik donor va retsipient bo‘ladi) transplantatsiyasiga;
qon va uning tarkibiy qismlari donorligi sohasidagi munosabatlarga nisbatan tatbiq etilmaydi.
Inson aʼzolari va to‘qimalari transplantatsiyasi to‘g‘risidagi qonunchilik ushbu Qonun hamda boshqa qonunchilik hujjatlaridan iboratdir.
Аgar O‘zbekiston Respublikasining xalqaro shartnomasida inson aʼzolari va to‘qimalarining transplantatsiyasi to‘g‘risidagi O‘zbekiston Respublikasi qonunchiligida nazarda tutilganidan boshqacha qoidalar belgilangan bo‘lsa, xalqaro shartnoma qoidalari qo‘llanilishi haqida tushunchalar berildi .