Менинг конституциям – тинч, тўкин ҳаётим кафолати
Кеча шаҳар ҳокимлиги мажлислар залида Термиз шаҳар Маҳалла ва нуронийларни қўллаб-қувватлаш бўлими бошлиғи З.Мейлиев, ўринбосари Т.Бердиев ва шаҳар адлия бўлими бошлиғи А.Жабборовлар ҳамда маҳалла раислари, меҳнат жамоалари ва жамоатчилик вакиллари иштирокида «Ўзбекистон Республикасининг Конституциясига ўзгартиш ва қўшимчалар киритиш тўғрисида»ги Ўзбекистон Республикасининг Конституциявий қонуни лойиҳасининг умумхалқ муҳокамасига бағишланган очиқ мулоқот бўлиб ўтди.
Дастлаб барча ўзгаришлар замирида инсон қадрини улуғлаш тамойили ётгани, ислоҳотларнинг туб замирида "Инсон-жамият-давлат" стратегияси пировард мақсад қилиб олинганлиги таъкидланди. Ҳар бир ўзгаришлар ҳаётий зарурат экани мисоллар билан тушунтириб берилди.
Шунингдек, мулоқотда иштирокчиларининг ҳам фикр-мулоҳазалари тингланиб, мазкур жараёнларни аҳолига етказишда жонбозлик кўрсатишга чақирилди.