РАСМИЙ МУНОСАБАТ

РАСМИЙ МУНОСАБАТ
Термиз шаҳар ҳокимлиги, ижтимоий тармоқларда “Термиз шаҳар Боғишамол маҳалласидаги “Янги ҳаёт” кўчаси асфальт қилинганлиги, қолган кўчалар асфальт қилинмаганлиги юзасидан аҳолининг норозилиги” бўйича қилинган мурожаат юзасидан қуйидагиларни маълум қилади.
Ўзбекистон Республикаси Президентининг 2021 йил 2 апрелдаги
ПҚ-5048-сонли қарорида ички йўлларни таъмирлаш дастури асосида Термиз шаҳрида 49,7 км ички йўлларни асфальт қопламали йўлларга айлантириш белгиланган.
Шу жумладан, шаҳарнинг “Боғишамол” маҳалласи “Янги ҳаёт" кўчасининг 0,35 км қисмини таъмирлаш белгиланган бўлиб, ушбу кўчанинг биринчи навбатда бошқа кўчалар каби нуқсон далолатномаси тасдиқланган, лойиҳа-смета хужжатлари давлат экспертизасидан ўтказилиб, Республика йўл қўмитасида манзилли рўйхати тасдиқлаш учун тақдим этилган, манзилли дастур жорий йилнинг 15 июнь кунида тасдиқланиб, Молия вазирлигидан маблағ ажратилгандан сўнг жорий йилнинг август ойининг якунига қадар Боғишамол маҳалласидаги “Янги ҳаёт” кўчаси ва бошқа кўчаларга ҳам асфальтбетон қопламаси ётқизилиши маълум қилинади.