Сурхондарёда “Янги Ўзбекистон ёшлари, бирлашайлик!” шиори остида ёшлар форумига старт берилди

Сурхондарёда “Янги Ўзбекистон ёшлари, бирлашайлик!” шиори остида ёшлар форумига старт берилди

“Янги Ўзбекистон ёшлари, бирлашайлик!” шиори остида ўтказилаётган “Ислоҳотчи ёшлар” форуми мамлакатимиз ёшларини Термиз шаҳридаги “Амударё” болалар соғломлаштириш оромгоҳида бирлаштирди.

9-10 апрель кунлари бўлиб ўтиши режалаштирилган форум доирасида турли кўрик-танловлар, кўнгилочар дастурлар, интеллектуал салоҳиятни оширувчи лойиҳалар, спорт ўйинларини ўтказиш мақсад қилинган.

“Ислоҳотчи ёшлар” форумининг тантанали очилиш маросими бугун, 9 апрель куни соат 13:00да Термиз шаҳридаги Ёшлар марказида бўлиб ўтади. Соат 20:00дан “Амударё” болалар оромгоҳида спорт-соғломлаштириш ва маданий ҳордиқ чиқариш тадбирлари бошланади.