Термиз ҳайвонот боғида иккита ноёб ҳайвондан насл олинди!

Термиз ҳайвонот боғида иккита ноёб ҳайвондан насл олинди!

Термиз ҳайвонот боғида парвариш қилиб келинаётган Африка ёлдор қўйи жорий йил 9 апрель куни болалади. Асли келиб чиқиши Шимоли-шарқий Африка бўлган ёлдор қўй жуфт туёқлилар туркумига мансуб бўлиб, ҳомиладорлик даври 150-160 кунни ташкил этади ва 1-2 тагача болалайди. Умр кўриш давомийлиги 12-17 йилни ташкил этади.

Ушбу ёлдор қўйлар оила бўлиб яшайди. Ўт-ўланлар, ўсимликлар билан озиқланади.

Шунингдек, яна бир ноёб ҳайвон, “Ўзбекистон Қизил китоби”га киритилган Бухоро тоғ қўйи ҳам болалаган. Ушбу ноёб тур ҳисобланган Бухоро қўйи Ўзбекистон, Тожикистон, Туркманистон даштларида учрайди, ўтхўр ҳайвон ҳисобланади. Ҳомиладорлик даври 165 кунни, умр кўриш давомийлиги 12-15 йил яшайди.

Тутқунликда кўпайиши қийин бўлган ушбу ноёб жониворлардан насл олиниши, Термиз ҳайвонот боғи учун қувончли янгилик.