30-апрел - Умумхалқ хайрия ҳашари

30-апрел - Умумхалқ хайрия ҳашари
Термиз шаҳрида "Маҳалла ободлиги – юрт фаровонлиги" шиори остида умумхалқ хайрия ҳашари уюшқоқлик билан ўтказилмоқда.

Термиз шаҳридаги маҳаллалар ва меҳнат жамоаларида теварак-атрофни тартибга келтириш, ободонлаштириш, ариқ-зовурлар, хиёбонларни тозалаш ишлари амалга оширилмоқда.

Ободонлаштириш ишлари жараёнида маҳаллалар, аҳоли пунктлари, кўп қаватли уйлар, ҳовлилар, боғ ва сайлгоҳлар, қабристонлар, якка ёлғиз ўзгалар парваришига мухтож бўлган кексалар хонадонларини тартибга келтиришмоқда.

Бир сўз билан айтганда, "Маҳалла ободлиги – юрт фаровонлиги" шиори остида ўтказилаётган умумхалқ хайрия ҳашари юртдошларимизнинг аҳиллиги, ҳамжиҳатлигининг яна бир ёрқин намунаси бўлишига шубҳа йўқ.