УФA вице-президенти Одил Aҳмедов бошчилигидаги делегация Сурхондарёда

УФA вице-президенти Одил Aҳмедов бошчилигидаги делегация Сурхондарёда

УФA вице-президенти Одил Aҳмедов бошчилигидаги делегация дастлаб собиқ шарҳловчи, мураббий, узоқ йиллар вилоят спорт қўмитасига раҳбарлик қилган Баҳром Ҳамроев ҳамда марҳум футболчи ва мураббий Ботир Кашкенбаевнинг хонадонларига ташриф буюриб, “Ўзбек футболининг 110 йиллиги” кўкрак нишони ва эсдалик совғаларини топширди.

Шундан сўнг делегация аъзолари Сурхондарё вилояти болалар ва ўсмирлар футбол академиясида ҳам бўлиб, тарбияланувчилар учун яратилган шарт-шароитлар билан танишдилар. 3 авлод вакиллари иштирокида ўтказилган учрашувда футбол фахрийлари ёш тарбияланувчиларга ўз тажрибаларидан сўзлаб беришди.

Сурхондарё вилояти ҳокимлигида вилоят ҳокими, вилоят футбол ассоциацияси президенти Тўра Боболов билан бўлган учрашувда воҳада футбол ривожи йўлида амалга оширилган ишлар ва келгуси режалар муҳокама этилди. Учрашув сўнгида вилоят сектор раҳбарларига “Ўзбекистон футболи ривожига қўшган ҳиссаси учун” кўкрак нишони топширилди.

Шундан сўнг “Сурхон” марказий стадионида ўзбек фахрийлари футболи фахрийлари ўртасида футбол учрашуви бўлиб ўтди. Учрашув якунида бир гуруҳ футбол фахрийларига кўкрак нишонлари ва эсдалик совғалари топширилди.