“Янги Ўзбекистонда эркин ва фаровон яшайлик!” ҳамда “Ўзбекистон ёшлари бирлашайлик!” шиорлари остида концерт ўтказилди

“Янги Ўзбекистонда эркин ва фаровон яшайлик!” ҳамда “Ўзбекистон ёшлари бирлашайлик!” шиорлари остида концерт ўтказилди
Термиз шаҳар “Алпомиш”МФЙдаги Санъат саройида жорий йилнинг 28 май куни соат 19:00дан 21:00га қадар “Янги Ўзбекистонда эркин ва фаровон яшайлик!” ҳамда “Ўзбекитсон ёшлари бирлашайлик!” шиорлари остида маҳаллалар аҳолиси, ёшлар ва кенг жамоатчилик вакиллари иштирокида маънавий-маърифий концерт дастури ўтказилди.Тадбирда маҳаллаларининг фуқаролари, олий таълим муассасаларининг талабалари, академик лицей ва умумтаълим мактабларининг битирувчи ўқувчилари, таниқли санъаткорлар ва ҳамкор ташкилотлар, ОАВ ходимлари иштирок этишди. Тадбир жараёнида шаҳардаги умумтаълим мактаблари ўқувчиларининг кўргазмали чиқишлари намойиш этилди. Шунингдек, санъаткорлар томонидан бадиий чиқишлар ижро этилди. Шеърлар ва куй-қўшиқлар тадбир иштирокчиларига кўтаринки кайфият улашди. Айниқса, маҳоратли актёр ва актрисаларнинг ижро этган роллари халқ олқишларига сазовор бўлди. Республикадан таниқли Ўзбекистонда хизмат кўрсатган артист Дилафруз Хайитметова, Ўзбекистон давлат драма театри актрисаси Изрохат Муратова, Темур Рахмонберганов, Ўзбекистон давлат филармонияси хонандаси Майсара Рахимова ҳамда вилоят драма театри хонандаси Нозигул Ҳаитовалар иштирок этишди. Ўтказилган тадбирда санъаткорлар томонидан ижро этилган бадиий чиқишлар тадбир иштирокчиларига янада хуш кайфият улашди.