300 нафардан ортиқ талаба ишга жойлашиш учун йўлланмага ега бўлди

300 нафардан ортиқ талаба ишга жойлашиш учун йўлланмага ега бўлди

Талабаларни бандлигини таъминлаш, уларни бўш иш ўринларига жойлаштириш борасидаги амалий ишлар республикадаги барча олий таълим муассасалари қаторида Термиз давлат университетида ҳам давом етмоқда.

ТерДУда Ўзбекистон Республикаси Президентининг 2022-йил 4-мартда ўтказилган “Олий таълим муассасалари талабалари бандлигини таъминлаш орқали уларнинг турмуш даражасини яхшилаш чора-тадбирлари тўғрисида”ги видеоселектор йиғилишида белгилаб берилган вазифаларнинг ижросини таъминлаш ҳамда университет талабаларига дарсдан бўш вақтларида иш билан бандлигини таъминлашга кўмаклашиш мақсадида “Карйера куни” меҳнат ярмаркаси бўлиб ўтди.

Сурхондарё вилоят ҳокимлиги, Термиз давлат университети ҳамда вилоят Бандлик бош бошқармаси ҳамкорлигида ўтказилган бўш иш ўринлари ярмаркасида вилоятнинг шаҳар ва туманлар даражасидаги ташкилот, муассаса, корхоналар ва йирик тадбиркорлик субйектлари вакиллари бўш иш ўринлари билан қатнашдилар.
Ярмаркада қатнашган барча талаба-ёшлар учун 160 дан ортиқ ташкилотларда мавжуд 2512 мингга яқин вакант иш ўрни таклиф етилди.
Мазкур ярмаркада Термиз давлат университетининг 3 минг нафардан ортиқ талабаси иштирок етиб, шу йернинг ўзида 300 нафардан ортиқ талабаларга ишга жойлашиш бўйича йўлланмалар берилди.