Исроил Худойбердиев мактаб битирувчилари билан учрашди

Исроил Худойбердиев мактаб битирувчилари билан учрашди
25 май куни мамлакатимиздаги барча мактабларда 2020/2021 ўқув йили якунланади.
Пандемия сабабли ҳар қанча мураккаб бўлса-да, бу йилги ўқув йили ўзгача шукуҳ ва кўтаринки руҳ билан якунланмоқда. Негаки, давлатимиз раҳбари Шавкат Мирзиёев илк бор мактабларнинг битирувчиларига табрик йўллади.
Бугун Термиз шаҳар ҳокими Исроил Худойбердиев шаҳардаги 3-умумтаълим мактабида бўлиб, битирувчилар, ўқитувчилар ва ота-оналар билан учрашди. Президентимизнинг битирувчиларга йўллаган табригини ўқиб эшиттирди.
Шунингдек, шаҳардаги барча мактабларда бу каби тадбирлар кўтаринки руҳда ўтказилди.
Битирувчиларга самимият, мақсад сари интилувчанлик, ҳозиргидек тоза қалб ва теран тафаккур, ҳалоллик доимий йўлдош бўлишини тилаб, уларга эсдалик совғаларини топширди.