Ватан ҳимоячилари кунига бағишланган ҳарбий-ватанпарварлик паради бўлиб ўтди

Ватан ҳимоячилари кунига бағишланган ҳарбий-ватанпарварлик паради бўлиб ўтди
Термиз шаҳрида Мотамсаро Она ҳайкали пойига гуллар қўйиш билан бошланган Ватан ҳимоячилари куни байрам тадбирлари “Навбаҳор” кўчаси бўйлаб ватанпарварлик марши садоси остида офисер ва аскарларнинг жанговар сафда юриши ҳамда зирҳли ҳарбий техникалар ҳаракатланиши намойишига уланиб кетди.
Мудофаага кўмаклашувчи “Ватанпарвар” ташкилотига қарашли ҳарбий ва спорт автомобиллари, вилоятимиздаги ҳарбий қисмлар аскар ва зобитлари, ҳарбий техникалар, шунингдек, Миллий гвардия, ички ишлар, мудофаа ва фавқулодда вазиятлар бошқармалари аскар ва зобитларининг юриши кенг жамоатчилик томонидан катта қизиқиш билан кутиб олинди.