Беш_ташаббус_маҳаллада

Беш_ташаббус_маҳаллада
“Ўзбекистон ёшлар форуми-2021” доирасида “Беш ташаббус – маҳаллада” шиори остида Термиз шаҳар ҳокими, 1-сектор раҳбари соврини учун маҳалла ёшлари ўртасида спорт мусобақалари қизғин давом этмоқда.

Бугун, 17-декабрь куни 1-сектор ҳудудида жойлашган маҳаллаларда спортнинг мини-футбол, волейбол ва армреслинг турлари бўйича мусобақалар бўлиб ўтди.
Унда маҳаллаларнинг ҳар бир кўчаси бўйича уюшмаган ёшлардан шакллантирилган спорт жамоалари фаол иштирок этишмоқда.
Маълумот ўрнида айтиш лозимки, ҳар бир маҳалладан ғолибликни қўлга киритган ёшлар жамоалари 18-декабрь куни 26-сонли умумий ўрта таълим мактаби ва “Гулистон” МФЙдаги спорт майдонларида бўлиб ўтадиган спорт мусобақаларининг финал босқичида ўзаро беллашадилар.