Миллий сувенирлар фестивали

Миллий сувенирлар фестивали
28 октябрь куни юртимизнинг барча ҳудудларида Миллий сувенирлар фестивали бўлиб ўтди. Сурхондарёдаги тадбирлар "Термиз" давлат музей -қўриқхонасида (собиқ вилоят маданият ва тарих музейи) ташкил этилди.
Тадбир дастуридан фольклор-этнографик гуруҳлар ва рақс жамоалари жўрлигидаги кўргазма-ярмаркалар, танловлар, ҳунармандларнинг маҳорат дарслари ўрин олди.
Таъкидлаш жоиз, маҳаллий ҳунармандлар яратган миллий сувенирлар савдосини йўлга қўйиш ҳудудларнинг барқарор ижтимоий-иқтисодий ривожланишига, ҳунармандлар бандлигини таъминлашга, уларга моддий ва маънавий кўмак кўрсатишга ёрдам беради.
Фестиваль иштирокчиларига вилоят ҳокимининг ташаккурномалари топширилди.
Ушбу тадбирлар Ўзбекистон Республикаси Президентининг 2021 йил 9 февраль куни қабул қилинган «Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида» ги фармонига асосан ташкил қилинди.