Термиз шаҳрида ўқувчилар ўртасида фан олимпиадаси ўтказилди

Термиз шаҳрида ўқувчилар ўртасида фан олимпиадаси ўтказилди

Бугун, 26-сонли умумий ўрта таълим мактабида Термиз шаҳар ҳокимлиги, шаҳар мактабгача ва мактаб таълими бўлими ҳамда "ВЕСТМИНСТЕР " ўқув маркази ҳамкорлигида 3-4 синф ўқувчилари ўртасида математика фанидан олимпиада бўлиб ўтди.

Фан олимпиадасида вилоятдаги умумий ўрта таълим мактабларидан 300 дан ортиқ ўқувчилар иштирок этишди.

Ушбу олимпиададан кўзланган мақсад ўқувчи ёшларни ўз билим ва кўникмаларини яна-да мустаҳкамлаш, иқтидорли ёшларни рўёбга чиқариш ҳамда Президент мактаби кириш имтиҳонларига тайёргарлик бўйича билимларини яна бир бор синовдан ўтказишдан иборатдир.

Якунда олимпиадада муваффақиятли иштирок этган ўқувчиларга сертификатлар топширилди. Ғолибларни тақдирлаш маросими эса келгуси ҳафтада ўтказилиши режалаштирилган бўлиб, уларга шаҳар ҳокимлигининг қимматбаҳо эсдалик совғалари топширилади.