Шаҳар ҳокими «Мангузар» маҳалласидаги кексалар ҳолидан хабар олди

Шаҳар ҳокими «Мангузар» маҳалласидаги кексалар ҳолидан хабар олди

Айни кунларда Термиз шаҳрида 9 - май “Хотира ва қадрлаш куни” байрами муносабати билан 1941-1945 йиллардаги уруш даврида мамлакат ичкарисида меҳнат қилган фуқароларнинг ҳолидан хабар олинмоқда.

Хусусан, бугун Термиз шаҳар ҳокими Ўктам Тўраев бошчилигида, Нуронийлар жамғармаси шаҳар бўлими раҳбари, жамоатчилик вакиллари ва ёшлар биргаликда “Мангузар" маҳалласида истиқомат қилувчи меҳнат фахрийларидан 93 ёшли Бибихол момо Холиёрова ва 92 ёшли Суръат бобо Маллаевлар хонадонида бўлиб, улар билан дилдан суҳбатлашди. Шунингдек, ушбу оилаларга озиқ-овқат маҳсулотларидан ташкил топган совғалар улашилди.

Суҳбат асносида нуронийлар Янги Ўзбекистонда олиб борилаётган ислоҳотларга ва инсон қадрини улуғлаш йўлидаги амалий ишлардан мамнун эканликларини билдириб, бугунга тинч ва осойишта кунлар учун шукроналик билан яратгандан юртимизда доимо тинчлик бўлишини сўраб дуо қилишди.