Термиз шаҳрида бошқарув сервис компаниялари фаолияти билан танишилди

Термиз шаҳрида бошқарув сервис компаниялари фаолияти билан танишилди

Вилоятда мавжуд 1 589 та кўп қаватли уй-жойларга 32 та бошқарув серсив компаниялари (БСК) томонидан хизмат кўрсатиб келинмоқда. Жумладан, Термиз шаҳрида 14 та ана шундай БСКлар фаолияти йўлга қўйилган.

Бугун вилоят ҳокими Улуғбек Қосимов Термиз шаҳридаги “Сарвар Термиз Сервис” БСКда бўлиб, унинг фаолияти, хизмат кўрсатиш турлари билан танишди ҳамда вилоятда фаолият олиб бораётган БСКлари раҳбарлари билан учрашув ўтказди.

Унда БСКлар томонидан кўп қаватли турар-жойларда амалга оширилган таъмирлаш-тиклаш ишлари ва бошқа кўрсатилаётган хизматлар сифати муҳокама қилиниб, компаниялар вакиллари ҳамда кўп қаватли турар-жойларда яшовчи аҳолининг таклиф ва мурожаатлари тингланди.

Масъулларга БСКларнинг самарали фаолият юритишини таъминлаш, аҳолига хизмат кўрсатиш сифатини янада ошириш бўйича тегишли топшириқлар берилди.

Шундан сўнг, вилоят раҳбари шаҳардаги қатор кўп-қаватли уй-жойларнинг ҳолати ва БСКлар томонидан кўрсатилаётган хизматларни жойига борган ҳолда кўздан кечирди. Аниқланган камчиликларни батараф этиш бўйича шаҳар мутасаддилари ва соҳа масъулларига вазифалар юклатилди.