Шаҳар ҳокими "Боғзор" маҳалласи ёшлари ва 1-сектордаги миграциядан қайтган ёшлар билан учрашди

Шаҳар ҳокими "Боғзор" маҳалласи ёшлари ва 1-сектордаги миграциядан қайтган ёшлар билан учрашди

Термиз шаҳридаги "Матбуот уйи"да ўтказилган учрашувда шаҳар ҳокими Ўктам Тўраев ўзига бириктирилган миграциядан қайтган ёшлар билан мулоқот қилиб уларнинг муаммоларини тинглади.

Учрашувда шаҳар ҳокимининг ёшлар масаласи бўйича ўринбосари, маҳалладаги ёшлар етакчиси, ҳоким ёрдамчиси ва алоқадор ташкилот раҳбарлари иштирок этишди.

Мулоқот жараёнида ҳар бир ёшнинг муаммосига алоҳида ёндошилди. Хусусан, уларнинг касб-ҳунарга ўқиш, пайвандлаш асбоб-ускуналарни олишда имтиёзли кредит ажратиш, соғлигини тиклаш бўйича даволаниш, ишга жойлашиш ва бошқа масалалардаги мурожаатларини ижобий ҳал этилиши юзасидан алоқадор масъулларга топшириқлар берилди ва ижроси назоратга олинди.

Шунингдек, “Беш ташаббус олимпиадаси” доирасида “Гимнастрада” йўналишида республика босқичида Термиз шаҳридан иштирок этадиган 10 нафар иқтидорли ёшларнинг махсус форма олишда амалий ёрдам сўраб қилган мурожаати жойида ижобий ечимини топди.