ҲАШАР ЭЛГА ЯРАШАР

ҲАШАР ЭЛГА ЯРАШАР

Халқимизда ҳашар деб номланган ажойиб анъана бор. Бу одат йиллар ўтсаки, ўз аҳамиятини йўқотмаган. Боиси ҳашарда халқимизнинг бирлиги, аҳиллиги намоён бўлади.

Хусусан бугун шаҳарнинг "Намуна" маҳалласида аҳоли ташаббуси билан Наврўз умумхалқ байрами ва муборак Рамазон ойи арафасида ҳашар ташкил этилди. Ҳашарда маҳалладаги кекса-ёш ҳамжиҳатлик ва уюшқоқлик билан “Султон Саодат” зиёратгоҳи ва қабристон ҳудудларини ободонлаштириш ва тартибга келтириш ишларини олиб боришди.

Ҳашар ишлари якунлангандан кейин маҳалладаги тадбиркор томонидан ҳашарчилар учун дастурхон ёзилиб, ош тарқатилди.