“Наврўз” умумхалқ байрами тантаналарига тайёргарлик жараёнлари билан танишилди

“Наврўз” умумхалқ байрами тантаналарига тайёргарлик жараёнлари билан танишилди

Аввал хабар берганимиздек, Сурхондарё вилоятининг асосий “Наврўз” байрами тантаналари 17-18 март кунлари Термиз шаҳридаги “Санъат саройи” майдонида бўлиб ўтади. Вилоят ҳокими ушбу ҳудудда бўлиб, байрам шодиёналарига тайёргарлик жараёнлари билан танишди. Масъулларга тегишли тавсия ва таклифлар берилди.

Шундан сўнг вилоят раҳбари Термиз шаҳрининг “Жайхун” ва “Шифокор” маҳаллаларида бўлиб, кўп қаватли турар-жойларнинг фасад қисмини таъмирлаш, бўяш, замонавий кўринишга келтириш, йўлакларни таъмирлаш, болалар ўйингоҳларини ташкил этиш бўйича берилган вазифалар ижроси ҳамда маҳалладаги “Бешлик” фаолияти билан танишди.

Аҳолига байрам кайфиятини улашиш учун ишларни жадаллаштириш, асосий таъмирлаш ишларини “Наврўз”га қадар якунлаш, аҳолининг байрамни яхши кайфиятда кутиб олиши учун шароит яратиш бўйича топшириқлар белгилаб берилди.