Шаҳарда электр токи, табиий газ ва кўмирда ишлайдиган иситиш қозонлари ишлаб чиқарилмоқда

Шаҳарда электр токи, табиий газ ва кўмирда ишлайдиган иситиш қозонлари ишлаб чиқарилмоқда

Бугунги кунда аҳоли ва ижтимоий соҳа объектларини энергия ресурслари, жумладан, иссиқлик билан таъминлаш долзарб ва асосий вазифа бўлиб қолмоқда. Бунда хом ашёни кам сарфлайлиган, ҳавфсиз ишлаш технологиясига эга бўлган, кўмир билан ишлайдиган қозонхоналарга талаб юқори.

Жорий йилдан бошлаб юртимиздаги ижтимоий соҳа объектлари, мактаб ва боғчалар иситиш тизими кўмирга ўтказилади. Бу эса ўз навбатида ушбу типдаги иситиш қозонхоналарига бўлган эҳтиёжни оширади. Термиз шаҳри “Маърифат” маҳалласи ҳудудида “ТЕПЛО МОНТАЖ CЕНТРЕ ВОСТОК” МЧЖ томонидан иситиш қозонлари ишлаб чиқариш йўлга қўйилган.

Бугун Термиз шаҳридаги объектларда ўрганиш ишларини олиб бораётган вилоят ҳокими МЧЖнинг иситиш қозонлари ишлаб чиқариш корхонаси фаолияти билан ҳам танишди. Шунингдек, корхона раҳбарининг мавжуд муаммолари ўрганилиб, масъулларга кўтарилган масалаларни ҳал этиш, корхонада ишлаб чиқарилаётган маҳсулотлар кўламини кенгайтириш бўйича зарур чораларни кўриш бўйича топшириқ берилди.