«ФАРҲОД» МАҲАЛЛАСИДАГИ МАВЖУД МУАММО ВА КАМЧИЛИКЛАР ЎРГАНИЛДИ

«ФАРҲОД» МАҲАЛЛАСИДАГИ МАВЖУД МУАММО ВА КАМЧИЛИКЛАР ЎРГАНИЛДИ

Бугун шаҳар ҳокими Ўктам Тўраев бошчилигида маҳалла раиси, ҳоким ёрдамчиси, ёшлар етакчиси, хотин-қизлар фаоли, профилактика инспектори (бешлик), маҳалла депутати ҳамда мутасадди ташкилот раҳбарлари билан «ФАРҲОД» маҳалласида ўрганиш ишлари олиб борилди.

Ўрганиш давомида шаҳар раҳбари маҳалладаги ҳолатни кўздан кечириб, Баҳор мавсумига тайёргарлик кўриш юзасидан аҳолини жалб қилган ҳолда томорқасидаги ерларни тартибга келтириш, дарахтларни буташ ва оқлаш ҳамда тайёрланган ерга гул ва райҳон кўчатларини экиш ишларини ташкил этиш бўйича масъулларга вазифалар юклади.

Шунингдек, маҳаллада ўзбошимчалик билан қурилган биноларни қайта ўрганиб чиқиб, қонуний тартибда чора кўриш бўйича мутасаддиларга кўрсатиб ўтилган камчиликларни бартараф этиш топшириғи берилди.

Ўз навбатида коммунал соҳалар ва шаҳар молия бўлими раҳбарларига ҳудуддаги ижтимоий соҳа объектлари ва ички йўллардаги мавжуд муаммоларни ҳал этиш вазифаси белгиланди. 

Якунда масъулларга ҳудуддаги умумий муаммоларни шаҳардаги алоқадор ташкилотлар билан биргаликда ҳал этиш мақсадида тегишли чора-тадбирлар белгиланиб, ижроси назоратга олинди.