Ноқонуний ва рухсат этилмаган жойларда савдо қилаётган сотувчи ва фуқаролар учун тушунтириш ишлари олиб борилди

Ноқонуний ва рухсат этилмаган жойларда савдо қилаётган сотувчи ва фуқаролар учун тушунтириш ишлари олиб борилди

Йиғилишда, вилоят ҳокимининг ўринбосари Жўрабек Тўраев, шаҳар прокурори, шаҳар ҳокимининг ўринбосари, шаҳар давлат солиқ инспекцияси бошлиғи, санитария-эпидемиологик осойишталик ва жамоат саломатлиги маркази ва Термиз шаҳар Фавқулодда вазиятлар бўлими ҳамда бошқа мутасадди раҳбарлар иштирок этишди.
Суҳбат жараёнида собиқ Термиз марказий деҳқон озиқ-овқат бозорига туташ бўлган пиёдалар ҳаракатланадиган йўл ёқаларида ноқонуний савдо фаолиятини олиб бораётган сотувчи ва фуқаролар билан суҳбатлашилди.
Сотувчиларга масъул раҳбарлар томонидан мазкур ҳудудда ҳамда марказий кўча ёқаларида савдо фаолиятини олиб бориш ноқонуний ҳолат эканлиги, шунингдек санитария ва ёнғин хавфсизлиги қоидаларига тўғри келмаслиги юзасидан тушунтириш ишлари олиб борилди.
Якунда сотувчи ва фуқароларга савдо фаолиятларини белгиланган савдо нуқталарида ва шаҳардаги озиқ-овқат бозорларида амалга оширишлари мумкинлиги, бунга эса барча зарур шарт-шароитлар етарли эканлиги тушунтирилиб, тегишли тавсиялар берилди.