Термиз шаҳрида “Ёшлар дафтари” жамғармасидан кўмак кўрсатилган ёшлар билан учрашув ўтказилди

Термиз шаҳрида “Ёшлар дафтари” жамғармасидан кўмак кўрсатилган ёшлар билан учрашув ўтказилди

Бугун, 22-декабрь куни 12-умумий ўрта таълим мактабида шаҳар ҳокими Ўктам Тўраевнинг “Ёшлар дафтари” жамғармасидан кўмак кўрсатилган ёшлар билан учрашуви бўлиб ўтди.

Унда шаҳарнинг 1-сектор ҳудудида жойлашган маҳаллалар ёшлари, ёшлар етакчилари ҳамда мутасадди ташкилот раҳбарлари иштирок этишди.

Мулоқот давомида ёшлар жамғармасидан кўмак кўрсатилган ёшларнинг мулоҳазалари ва келгусидаги режалари тўғрисидаги фикрлари тингланиб, тегишли тавсиялар берилди.

Учрашувда олий таълимда таҳсил олаётган ёшларнинг контракт тўлови масаласидаги, шунингдек, даволаниш ва имтиёз асосида операция харажатларига ёрдам бериш ҳамда моддий ёрдам сўраб қилган мурожаатларини тегишли тартибда ижобий ҳал этилиши белгиланди.

Шунингдек, ижроси муддат талаб қилинадиган мурожаатлар юзасидан масъулларга топшириқлар берилиб, бажарилиши назоратга олинди.