ТЕРМИЗ ШАҲРИДА 17 НАФАР БОЛАЖОНЛАРНИНГ СУННАТ ТЎЙЛАРИ ЎТКАЗИЛДИ

ТЕРМИЗ ШАҲРИДА 17 НАФАР БОЛАЖОНЛАРНИНГ СУННАТ ТЎЙЛАРИ ЎТКАЗИЛДИ

Миллатимиз қон-қонига савоб ишларни қилиш, хайрия тадбирлари ўтказиш ва қийналганларга ёрдам кўрсатиш анъаналари фазилат сифатида сингиб кетган.

Айниқса байрамлар олди саховатпеша тадбиркорларимиз томонидан ёрдамга муҳтож оилаларга кўмак кўрсатиш ишлари яна ҳам ортади.

Кеча саховатпеша тадбиркор Хайитали Алламуродов томонидан ижтимоий ҳимояга муҳтож, боқувчисини йўқотган ва “Темир дафтар”да рўйҳатда турувчи оилаларнинг 17 нафар болалари учун суннат тўйлари ўтказиб берилди.

Термиз шаҳридаги “Муҳташам сарой” тантаналар саройида бўлиб ўтган хайрия суннат тўйда болаларнинг яқинлари, диний идора вакиллари, нуроний отахон ва онахонлар иштирок этишди. Базмда тўй болаларнинг ҳар бирига ўзлари истаган совғалар олиши учун пул мукофотлари топширилди.

Ўйин-кулгу ва рақсларга бой бўлган ушбу суннат тўй болажонлар ва уларнинг оила аъзоларига бир олам завқу шавқ улашди.