ШУҲРАТИНГ ПОРЛАСИН ТОКИ БОР ЖАҲОН!

ШУҲРАТИНГ ПОРЛАСИН ТОКИ БОР ЖАҲОН!

Термиз шаҳридаги Санъат саройида Ўзбекистон Республикаси Давлат Мадҳиясининг 30 йиллигига бағишланган байрам тадбири бўлиб ўтди.

Тадбирда Сурхондарё вилояти ҳокимлиги, Республика Маънавият ва маърифат маркази Сурхондарё вилоят бўлими, Термиз шаҳар ҳокимлиги, давлат ва жамоат ташкилоти вакиллари, ҳарбийлар, спортчилар, адабиётшунослар ва ёшлар иштирок этди.

Анжуманда сўзга чиққанлар Мадҳия – қалбида ўз Ватанига муҳаббат ва садоқат туйғуси бор ҳар қандай кишида миллий ғурур, ўзига хос фахр, энг муҳими юртга меҳр уйғотади. Бу миллий тимсолда халқнинг ўтмиши, бугуни ва келажаги, шунингдек, зийнати, орзу-ўйи, маслак-мақсади мужассам дея таъкидлаб ўтдилар.

Тантанали тадбирда ҳарбий оркестр ва санъаткорлар томонидан ижро этилган концерт дастури барчага байрам кайфиятини улашди.