ТЕРМИЗ ШАҲАР ҲОКИМЛИГИ ХОДИМЛАРИ ТИББИЙ КЎРИКДАН ЎТКАЗИЛДИ

ТЕРМИЗ ШАҲАР ҲОКИМЛИГИ ХОДИМЛАРИ ТИББИЙ КЎРИКДАН ЎТКАЗИЛДИ

Бугун шаҳримиз ободлиги ва халқ манфаати учун тиним билмай меҳнат қилиб келаётган Термиз шаҳар ҳокимлигининг ходимлари чуқурлаштирилган тиббий кўрикдан ўтказилди. Ҳокимлик ходимларига вилоят кўп тармоқли шифохонасининг малакали тиббиёт ходимлари хизмат кўрсатди. Тиббий кўрик давомида мутахассис шифокорлар томонидан ҳокимлик ходимларининг соғлиғи тўлиқ кўздан кечирилиб, тиббий таҳлиллар ҳамда очиқ мулоқотлар асосида уларга зарур тиббий маслаҳат ва керакли тавсиялар берилди.

Тиббий кўрик - инсон саломатлигини сақлаш, касалликлар келиб чиқиши ва тарқалишининг олдини олиш мақсадида, ўтказиладиган тадбирдир. Давлат хизматчиларининг ҳам тиббий кўрикдан ўтиши уларнинг самарали фаолият олиб боришлари учун муҳим аҳамиятга эга.

Зеро, сиҳат - саломатлик - иш унумдорлигининг асосий омилидир.