Яшил_макон

Яшил_макон

Юртимизда экологик вазият ва ҳаво тозалигини яхшилаш мақсадида “Яшил макон” умуммиллий лойиҳаси доирасида “Долзарб 40 кунлик” дарахт экиш акцияси амалга оширилмоқда.

Термиз шаҳрида ҳам акция доирасида ишлар жадаллик билан давом этмоқда. Ташкилотлар, корхоналар, хонадонлар ва йўл ёқаларига дарахт кўчатлари экилмоқда.

Бугун 26-сонли мактабда ўтказилган акцияда Термиз шаҳар ҳокими Ў.Тўраев, сектор раҳбарлари ва мактаб директорлари фаол иштирок этишди. Мактаб ҳудудига қарашли ер майдонига 280 туп арча, ўрик, олма, бодом, хурмо, каталпа, терак, тол ва 1300 дона тут, атиргул, анор, терак, тол ва аляндр қаламчалари экилди.

Маълумот ўрнида, бир гектар дарахтзор бир кунда 220–280 килограмм карбонат ангидрид ютади ва 180–220 килограмм кислород беради. Дарахтзорлар ҳаводаги чанг миқдорини камайтиради ва шовқинни пасайтиришда муҳим аҳамият касб этади. Манзарали дарахт экилган боғда ярим соатлик сайр қилиш бир неча турдаги дори воситалари ўрнини босади.