Термиз шаҳрида ўқитувчи ва мураббийлар куни кенг нишонланди

Термиз шаҳрида ўқитувчи ва мураббийлар куни кенг нишонланди

Термиз шаҳридаги "Нигина" тантаналар саройида 1 октябрь – Ўқитувчи ва мураббийлар кунига бағишланган байрам тадбири бўлиб ўтди.

Унда шаҳримиздаги таълим муассасалари мутасаддилари, энг илғор ўқитувчилар, тизимда самарали меҳнат қилаётган фахрий устоз-мураббийлар иштирок этди.

Тантанали маросимда шаҳар ҳокими Ўктам Тўраев ўқитувчи-мураббийларни байрам билан самимий табриклади.

Маросимда бир гуруҳ фидойи устоз ва мураббийларга шаҳар ҳокимининг фахрий ёрлиқ ва совғалари топширилди.

Қизиқарли концерт дастури ташкил этилиб, элимиз суйган санъаткор томонидан куй-қўшиқлар, сахналаштирилган чиқишлар устозлар учун ажойиб байрам кайфияти улашди.