НАВБАТДАГИ “ҲОКИМ ВА ЁШЛАР” УЧРАШУВИ ЎТКАЗИЛДИ

НАВБАТДАГИ “ҲОКИМ ВА ЁШЛАР” УЧРАШУВИ ЎТКАЗИЛДИ

Бугун, 26 октябрь куни Термиз шаҳар 26-сонли умумий ўрта таълим мактабида “Тупроққўрғон” ва “Боғишамол” маҳаллаларининг ёшлари ҳамда “Ўқитувчиларни қайта тайёрлаш” институтида “Байналмилал” маҳалласи ёшлари билан “Ҳоким ва ёшлар” учрашуви бўлиб ўтди. Унда 50 га яқин ёшлар ҳамда мутасадди ташкилот раҳбарлари иштирок этишди.
Мазкур учрашувларда шаҳар ҳокими Ўктам Тўраев томонидан ёшларнинг иш билан таъминлаш, контракт тўлови, имтиёзли кредит, истеъдодли ёшларни қўллаб-қувватлаш, шунингдек уй-жой ва бошқа масалалардаги мурожаатлари тингланди.
Хусусан, истеъдодли ёшларни қўллаб-қувватлаш мақсадида тегишли маблағлар ажратилиши белгиланди ҳамда ўрганиш, шунингдек муддат талаб қилинадиган мурожаатлар юзасидан мутасадди ташкилот раҳбарларига топшириқлар берилиб, тегишли тартибда назоратга олинди.