ЛОТИН ЁЗУВИГА АСОСЛАНГАН ЎЗБЕК АЛИФБОСИГА ЎТИШ ТЕЗЛАШМОҚДА

ЛОТИН ЁЗУВИГА АСОСЛАНГАН ЎЗБЕК АЛИФБОСИГА ЎТИШ ТЕЗЛАШМОҚДА
Ўзбекистон Республикаси Бош вазири А.Арипов томонидан 01.07.2021 йил 30/1-2308-сон хати орқали барча вазирликлар, идоралар ва ташкилотлар, шунингдек, маҳаллий ҳокимликларга йўлланган топшириғи ҳамда вилоят ҳокиминининг 05.07.2021 йилдаги 01-17/1526-сон хатига асосан қуйидагилар лотин ёзувига асосланган ўзбек алифбосида бўлиши таъминланиши кераклиги таъкидланган:
➖ барча жой ва кўча номлари;
➖ атамалар;
➖ ташкилотларнинг номлари;
➖ пешлавҳалар;
➖ оммавий тарғибот воситалари;
➖ реклама ва эълонлар;
➖ иш қоғозлари ва турли бланклар.
Шу муносабат билан шаҳардаги барча хўжалик юритувчи субектларга Термиз шаҳар ҳокимининг тегишли хати орқали ишчи гуруҳи томонидан тушунтириш ва огоҳлантириш ишлари олиб борилмоқда. Тарғибот-ташвиқот ишлари давом этмоқда.