Термизда "Устозлар миллий форуми" ўтказилди

Термизда "Устозлар миллий форуми" ўтказилди

Кеча, Термиз шаҳридаги муҳташам Санъат саройида Сурхондарё вилоят ҳокимлиги ва вилоят Халқ таълими бошқармаси ҳамкорликда "Устозлар миллий форуми" ўтказилди.

Дастлаб, вилоят ҳокими Боболов Тўра Абдиевич сўзга чиқиб, Янги Ўзбекистоннинг 31-йиллик Мустақиллик шодиёнаси билан барчани муборакбод этиб, янги ўқув йили барча устоз-мураббийлар омадли келишини, шогирдлар тайёрлашда мустаҳкам соғлик ва омад тилади.

Тадбирда таълим-тарбия тизимида алоҳида ўрнак кўрсатган, вилоятда таълим тизимини ривожлантиришга муносиб ҳисса қўшаётган, фаол, ташаббускор ва изланувчан, муносиб натижаларга эришаётган кўплаб таълим фидойилари вилоят ҳокимининг фахрий ёрлиқлари ва совғалари билан тақдирланди. Вилоятнинг таниқли санъаткорлари иштирокидаги концерт дастури тадбир иштирокчиларига янада кўтаринкилик бағишлади.