Термиз шаҳрида хотин-қизлар ўртасида спорт мусобақалари ўтказилди

Термиз шаҳрида хотин-қизлар ўртасида спорт мусобақалари ўтказилди

Бугун 26-сонли мактабда шаҳримиздаги маҳаллаларда истиқомат қилаётган хотин-қизлар ўртасида соғлом турмуш тарзини тарғиб этиш, саломатлигини мустаҳкамлаш мақсадида улар ўртасида "Шаҳар ҳокими соврини учун" спорт мусобақалари ўтказилди.
Мусобақанинг очилиш маросимида Оила ва хотин-қизлар давлат қўмитаси бош мутахассиси Б.Саидқосимов, вилоят ҳокими ўринбосари, Оила ва хотин-қизлар бошқармаси бошлиғи З.Хидирова, шаҳар ҳокими ўринбосари М.Тагаева, ҳамкор ташкилотлар, спорт бўлими масъуллари, хотин-қизлар фаоллари ҳамда 300 нафар хотин-қизлар иштирок этди.
Спортнинг стол тенниси, шахмат, шашка, энгил атлетика, арқон тортиш ҳамда армрестлинг (қўлда куч синаш) турлари бўйича ўтказилган мусобақалар қизғин беллашувларга бой бўлди.
Мусобақалар якунида ғолиб хотин-қизлар Термиз шаҳар ҳокимининг эсдалик совғалари билан тақдирландилар.