Бугун 2 июл – “Ўзбекистон Республикаси Давлат герби тўғрисида”ги Қонун қабул қилинганига 30 йил тўлди.

Бугун 2 июл – “Ўзбекистон Республикаси Давлат герби тўғрисида”ги Қонун қабул қилинганига 30 йил тўлди.

 

Шу муносабат билан Ўзбекистон Республикаси Давлат Герби қабул қилинганлигининг 30-йиллигига бағишлаб шаҳримиздаги Ёшлар маркази олдидан Санъат саройи ҳудудигача бўлган “Баркамол авлод”, “Ислом Каримов”, “Ҳаким ат Термизий” ва “Ибн Сино” номидаги марказий кўчалар бўйлаб "Авто карвони" ташкил этилди.

 

Шундан сўнг Термиз шаҳридаги муҳташам Санъат саройида “Оламни маҳлиё айлаган диёр!” шиори остида вилоятнинг асосий байрам тадбири ўтказилди.

 

Байрам тадбирида давлат ва жамоат ташкилотлари, нуронийлар, маданият ва санъат соҳаси вакиллари, ёшлар, кенг жамоатчилик вакиллари, ҳарбий хизматчилар, ҳуқуқ тартибот идоралари ҳамда оммавий ахборот воситалари ходимлари иштирок этишди.

 

Тантанали тадбирда санъат усталари ва воҳанинг таниқли хонандалари ўзларининг шўҳ куй-қўшиқлари ҳамда ватанни мадҳ этувчи тароналари билан байрам қатнашчиларига кўтаринки кайфият улашди.