Сурхондарёда барча қулайликларга эга бўлган замонавий жарроҳлик маркази қурилади

Сурхондарёда барча қулайликларга эга бўлган замонавий жарроҳлик маркази қурилади
Бугун, 19 январь куни Термиз шаҳридаги "Имом Ат-Термизий" илмий тадқиқот марказининг мажлислар залида вилоят ҳокими Тўра Боболовнинг тиббиёт ходимлари билан очиқ мулоқоти бўлиб ўтди.
Мулоқот давомида вилоят ҳокими жорий йилнинг инвестиция дастури доирасида Термиз шаҳрида барча қулайликларга эга бўлган замонавий жарроҳлик марказини қуриш ишлари бошланиши тўғрисида маълум қилди.
200 нафардан ортиқ тиббиёт ходимлари иштирок этган учрашувда вилоят раҳбарига соҳадаги мавжуд муаммолар баён қилинди. Шунингдек, мутахассислар томонидан вилоятда соғлиқни сақлаш соҳасини ривожлантириш бўйича таклифлар берилди.
Очиқ мулоқотда кўтарилган масалаларни ҳал этиш юзасидан ваколатли давлат идораларига муддат белгиланиб, назоратга олинган ҳолда топшириқлар берилди.