РАСМИЙ МУНОСАБАТ

РАСМИЙ МУНОСАБАТ

 Жорий йилнинг 25-март куни Facebook ижтимоий тармоғидаги “Xalq nazorati” гуруҳида Термиз шаҳар “Жуйжангал” МФЙ “Муқимий” кўчасининг хароб аҳволи, таъмирталаблиги танқид қилинган мурожаат йўлланган.

Мазкур мурожаат ўрганилганда қуйидагилар аниқланди. Термиз шаҳар "Жўйжангал" маҳалласи Муқимий кўчасида жорий йилнинг баҳор мавсумида ёғингарчилик вақтида ёмғир суви тўпланиб, табиий кўллар хосил бўлиб, ҳаракатланишга ноқулайлик келтириб чиқарганлиги ҳолати юзага келган.

Ушбу кўча ички автомобиль йўли хисобланганлиги ҳамда фуқаролар томонидан мурожаатларнинг кўпайиб кетишининг олдини олиш мақсадида 2022-йил ички автомобиль йўлларини таъмирлаш дастурига таклиф берилган, ушбу дастур тасдиқлангандан сўнг, бюджет маблағлари ажратилиб, асфальтбетон ётқизиш ишлари жорий йилнинг 3-чорагида амалга оширилишини маълум қиламиз.