Расмий_муносабат

Расмий_муносабат

Жорий йилнинг 14 март куни “Diyor24.uz” расмий канали орқали “Термиз шаҳар “Гулистон” маҳалласи Хоразм кўчасида ёмғир суви тўпланиб, табиий кўллар ҳосил бўлганлиги тўғрисида ушбу ҳудудда яшовчи фуқароларнинг мутассадди ташкилотлар томонидан мазкур ҳолатни бартараф этилиши юзасидан мурожаати” йўлланган.

Ушбу мурожаат юзасидан қуйидагиларни маълум қиламиз.
Термиз шаҳрида 2021-йил "Гулистон" маҳалласи худудидаги барча ички йўллар "Обод маҳалла" дастури доирасида жорий таъмирланган, “Хоразм” кўчасидаги якка тартибдаги уй-жойларнинг эгалари томонидан уйларининг олд қисми бетонланиб, сув кирмаслиги учун кўтарилган, йўлнинг асосий қисми эса юқоридаги дастур асосида асфальт қилинганлиги натижада ушбу кўчада жорий йилнинг баҳор мавсумида ёғингарчилик вақтида, кўчанинг маълум қисмида сув тўпланиш ҳоллари юзага келмоқда.
Мазкур кўча ички автомобил йўл ҳисобланганлиги ҳамда айрим фуқаролар томонидан қурилган уйлар ўзбошимчалик билан йўлларга чиқиб кетиш холатлари юзага келганлиги боис ариқлар ковлашнинг вақтинча имкони йўқ.
Юқоридагиларни инобатга олиб, ушбу ҳудудда яшовчи аҳоли ўзаро келишган ҳолда ёмғир суви кетадиган ер қудуқлари (выгребная яма) қазиш ишларини амалга ошириш мақсадга мувофиқ бўлишини маълум қиламиз.