Термиз шаҳрида тарих, бугун ва келажакни ўзида мужассам этган "Уч авлод учрашуви" ўтказилди

Термиз шаҳридаги 26-умумтаълим мактабида ўтказилган учрашувда республика "Нуроний" жамғармаси раиси С.Турдиев, вилоят "Нуроний" жамғармаси раиси О.Соатов, вилоят Мактабгача ва мактаб таълими бошқармаси бошлиғи Х.Мамадиев, таълим-тарбия тизимида узоқ йиллар самарали меҳнат қилган нуроний устозлар, бугунги кунда минглаб шогирдларга таҳсил бериб келаётган фаол ўқитувчилар ҳамда барча соҳада катта ютуқларга эришиб келаётган ўқувчилар иштирок этишди.

Тадбир давомида нуроний онахон ва отахонларимизнинг панд-насиҳатлари бугунги кун ёшлари учун ибрат мактаби бўлиши таъкидланди.

Вилоят "Баркамол авлод" болалар мактаби томонидан намойиш этилган бадиий қисм йиғилганларга хуш кайфият улашди. Тадбир якунида фаол нуронийлар, устозлар ва ўқувчиларга эсдалик совғалари топширилди.

Термиз шаҳар ҳокимлиги Ахборот хизмати