Сурхондарё вилояти ҳокими Улуғбек Қосимов Термиз шаҳри кичик ҳалқа йўли таркибидаги 4Р23Н автомобил йўлининг реконструкция ишлари билан танишди.

Инвестисия дастурига асосан амалга оширилаётган мазкур лойиҳанинг биринчи босқичда 1,5 км қисмини таъмирлаш белгиланган. Ҳозирда қурилиш-таъмирлаш ишлари амалга оширилмоқда.

Вилоят раҳбари қурилиш жараёнлари билан танишиб, шаҳар раҳбарлари ва соҳа мутасаддиларига ишларни тизимли ташкил этиш, йўл реконструкцияси билан бирга инфратузилмани ҳам биргаликда бунёд этиб бориш вазифасини топширди.