Ўзбекистон ҳамда Россия ҳудудлари ўртасида ҳамкорлик алоқаларини йўлга қўйиш, кенгайтириш ҳамда янги босқичда давом эттириш мақсадида икки давлат ҳудудлари раҳбарларининг учрашувлари ва музокаралари ўтказилмоқда.

Хусусан, бугун Сурхондарё вилояти ҳокими Улуғбек Қосимов Россиянинг Красноярск ўлкаси губернатори Михаил Котюков ҳамда Новосибирск вилояти раҳбари Андрей Травников бошчилигидаги делегациялар билан ҳудудлар ўртасида савдо-иқтисодий, илмий-техникавий, маданий, қишлоқ хўжалиги ва бошқа соҳаларда ҳамкорлик масалаларини муҳокама қилди.

Маълумот учун, Сурхондарё вилояти Россия Федерациясининг Новосибирск, Иваново, Челябинск вилоятлари, Красноярск ўлкаси ва Татаристон Республикаси билан ҳамкорлик алоқаларини ўрнатган бўлиб, Сурхондарё вилояти ҳокимлиги ва Татаристон Республикаси ҳукумати ўртасида савдо-иқтисодий, илмий-техникавий, маданий, қишлоқ хўжалиги, ёшлар ва бошқа соҳаларда ҳамкорлик тўғрисида Битим имзоланган.