Термиз шаҳар ҳудудида доимий равишда ер назорати тадбирлари амалга оширилмоқда ...

Шу ўринда эслатма! Ерларни ўзбошимчалик билан эгаллаб олиш, ноқонуний қурилмалар қуриб олиш маъмурий ёки жиноий жавобгарликка сабаб бўлади.

Кадастр агентлигининг топшириғига асосан "Долзарб 40-кунлик" лойиҳаси доирасида Ер назорати ишларини фаоллаштириш, ўзбошимчалик билан эгаллаб олинган ерларни аниқлаш ва қонун бузилиш ҳолатларига нисбатан кескин чораларни кўриш бўйича бир қатор ишлар амалга оширилмоқда.

Жумладан, Кадастр агентлиги Термиз шаҳар бўлими инспекторлари томонидан шаҳарнинг "Сурҳон соҳили" маҳалласи, Ёшлар кўчасида жойлашган "Термиз қурилиш моллари" МЧЖ бозори ҳудудида фаолият юритаётган тадбиркорлар томонидан савдо дўконларига туташ бўлган автомобил йўли муҳофаза ҳудудига тегишли бўлган ер майдонларидан ўзбошимчалик билан қурилиш материалларини сотиш мақсадида жойлаштирилганлиги аниқланди.

Аниқланган ҳолат юзасидан тадбиркорларга ер қонун бузилиш ҳолатлари бўйича маъмурий ва жиноий жавобгарлик мавжудлиги тушунтирилганда фуқаролар томонидан ўз ҳоҳиши билан ер майдонлари ўз ҳолатига қайтарилиши таъминланди.

Термиз шаҳар ҳокимлиги Ахборот хизмати